rolla er hönnunarnafn þriggja aðila sem vinna sígildar, fallegar og nytsamlegar vörur úr íslenskri ull. Íslenska ullin í allri sinni dýrð fer vel með umhverfið og vörur frá rollu er hægt að nota allt árið um kring á margbreytilegan hátt. Virðing fyrir náttúrunni er leiðarljós í allri okkar hönnun.

Hugmyndavinnan okkar gengur út á að nýta ullina vel, það sem klippist frá í sníðavinnu á einni vöru verður að annarri og við hikum ekki við að nýta og endurnýta. Þess vegna bjóðum við stundum til sölu vörur sem aðeins er til eitt eintak af. Af einskærri virðingu við íslensku sauðkindina bera allar okkar vörur íslensk rollunöfn.

rolla ullarvörurnar eru íslensk hönnun og unnar úr íslenskri ull.