Hönnuðurinn er María Krista Hreiðarsdóttir.

Ég er grafískur hönnuður frá Listaháskóla Íslands. Eins er ég útskrifuð úr Iðnhönnun frá Iðnskólanum í Hafnarfirði.
Handverk og hönnun hefur lengi verið áhugamál hjá mér og sérstaklega er gaman að hanna nytjahluti og skrautmuni úr efnum sem eru óvenjuleg og ekki verra ef þau eru endurnýtt á einhvern hátt.  Ef notagildið er gott, hluturinn heppnast, og gleður kaupandann þá er takmarkinu náð. 
Hugmyndin að hitaplöttunum kviknaði þegar ég var að dást að endurnýtingunni hjá Gúmmívinnslunni og vörunum sem þeir standa fyrir.  Þar sem þeir framleiða mestmegnis hluti og efnivið sem nota á utandyra, datt mér í hug að gera mætti sniðuga og jafnframt fallega hluti úr efninu fyrir heimili.
Hönnunin sjálf er unnin útfrá áttablaðarósinni sem lengi hefur verið í uppáhaldi hjá mér.  Langaði mig því að blanda saman þessum ólíku þáttum, endurunnu nútímalegu gúmmí úr gúmmídekkjum og ævagamalli mynsturhönnun sem allir þekkja.